tag:blogger.com,1999:blog-59423480282430940032011-04-22T07:03:36.251+05:30mahigrafixnoreply@blogger.comBlogger11100tag:blogger.com,1999:blog-5942348028243094003.post-12462328936782776072009-03-04T22:00:00.004+05:302009-03-05T06:13:45.934+05:30జాజిపూలు, మల్లెపూలు, చామంతిపూలు, మా అమ్మ కధలు-కబుర్లు, చందమామ, బాలమిత్ర...ఇలాంటి బ్లాగులన్నీ ఈ మధ్యే చూస్తున్నాను...<br /> <br />ఒకప్పుడు పానుగంటి, మధుబాబు, సూర్యదేవర, ఎండమూరి నవలలు పిచ్చ పిచ్చగా చదివేవాణ్ని...<br /><br />ఎలా చదివే వాణ్నంటే చివరకు అన్నం తినేటపుడు కూడా ఒక చేతిలో నవల ఖచ్చితంగా ఉండాల్సిందే..<br /><br />సీరియస్ హీరో షాడో, సీరియస్ అండ్ కామెడీ హీరో బుల్లెట్, సైడ్ కామెడీ హీరో గంగారాం క్యారెక్టర్ లను ఎప్పటికీ మర్చిపోలేను. <br /><br />వాళ్ల నవలలు చదువుతుంటే నా కళ్ల ముందు ఉన్నవి కనపడవు. నవలలోని సన్నివేశంలో నేనూ ఒక క్యారెక్టర్ నైపోయే వాణ్ని.<br /><br />నన్ను నేను మర్చిపోయేవాణ్ని... చివరకు క్యారెక్టర్స్ ను క్రియేట్ చేసిన పానుగంటి, మధుబాబులను కూడా మర్చిపోయేవాణ్ని. <br /><br />నేనే షాడో, నేనే బుల్లెట్ అన్న ఇమాజినేషన్ లోకి తెలియకుండానే వెళ్లేవాణ్ని. వాళ్ల రచనల పవర్, రాసిన విధానం అలాంటిది. <br /><br />ఇన్ని రోజుల నా ఆలోచనలను ఎవరకి చెప్పాలో అర్థంకాక సతమతమయ్యేవాణ్ని. ఈ బ్లాగులు చూసిన తర్వాత నాకు మార్గం దొరికింది. <br /><br />ఇక నుంచి ఈ బ్లాగులో....నేను క్రియేట్ చేసిన కథలు, నా కలలు లాంటివి రాద్దామనుకుంటున్నాను. <br /> <br />ఇదే విషయాన్ని మా ఫ్రెండ్ కు చెప్పాను.<br /><br />"మరి కథలు చెప్పే అన్ని సూపర్ హిట్ బ్లాగులున్నాయి కదా. మరి నీ బ్లాగు యావరేజ్ హిట్ అయినా అవ్వుద్దంటావా?" అని మా ఫ్రెండ్ కొచ్చెన్ వేశాడు.<br /><br />"అబ్బాఁ! వీడు మొదట్లోనే నాకు ఇంట్రెస్ట్ పోగొడ్తున్నాడు." అని మనసులో తిట్టుకుంటూ "ఒరేయ్! మహేష్ గాడు ఏదైనా మొదలు పెట్టాడంటే అది సూపర్ హిట్టే" అన్నాను కొంచెం ప్రౌడ్ గా<br /><br />"అవునురా! ఒక్కడు సినిమా చూసినప్పుడే అనుకున్నాను. మహేష్ కు పోకిరి లాంటి సూపర్ హిట్ సినిమా త్వరలోనే వస్తుందని"<br /><br />నాకు సర్రని కాలింది వాడి సెటైర్ కి. <br /><br />"కంట్రోల్..కంట్రోల్" అనుకుంటూ "రేయ్! నేను చెప్పింది ఆ మహేష్ గురించి కాదురా! నా గురించి! అన్నాను కూల్ గా.<br /><br />"ఓహ్! నీ పేరు కూడా మహేషే కదా!.. సరే ఇంతకీ నీ బ్లాగులో ఏ టైప్ కథలు రాద్దామనుకుంటున్నావ్!"<br /><br />"హర్రర్ అండ్ సస్పెన్స్ స్టోరీస్ రాద్దామనుకుంటున్నాను"<br /><br />"ఒరేయ్ ఈ రోజుల్లో అవెవరు చదువుతారు. మిగిలిన బ్లాగుల్లాగ మంచి కథలు రాయరా బాబు"<br /><br />"ఎందకు చదవరూ.. చదువతారు..అసల్ హర్రర్ లైక్ చేసేవాళ్లు.. ఆ కథలలోని సస్పెన్స్ ను, థ్రిల్లింగ్స్ ను , ట్విస్ట్ లను ఎంజాయ్ చేసేవాళ్లు చాలా మంది ఉన్నారు. ఉదా:కు మీ తమ్ముడు" అన్నాను ఒకింత ఆవేశంగా.<br /><br />"ఇదన్నమాట కథ! వాడు ప్రతి రోజూ రాత్రి నిద్రలో గట్టిగా మంత్రాలు చదువుతుంటే....ఇప్పుడర్థమయ్యింది. వాణ్ని నువ్వే ఇలా కథలు చెప్పి భయపెడుతున్నావన్న మాట" అన్నాడు కోపంగా..<br /><br />"అదేం లేదురా బాబు. ఇంతవరకు నేను వాడికి ఒక్క కథ కూడా చెప్పలేదు. వాడే మొన్న ఇంటికి వచ్చి..."<br /><br />"ఆఁ వచ్చి!"<br /><br />"చూడు నీకే తెలుస్తుంది" అని ఫ్లాష్ బ్యాక్ ను వాడి కళ్ల ముందు ప్లే చేశాను.<br /><br />"మహేషన్నా...నాకు మూవీ డీవీడీలు కావాలి"<br /><br />"ఏవి కావాల్రా? నా దగ్గరైతే 'నువు నాకు నచ్చావ్', 'మన్మధుడు' ఉన్నాయి"<br /><br />"నాకవేమీ వద్దన్నా! నాకు అవి కావాలి" అన్నాడు కన్ను కొడుతూ.<br /><br />"అవంటే ఏవిరా. డైరెక్ట్ గా చెప్పు" మనసులో ఎక్కడో చిన్న అనుమానం.<br /><br />"అవే..అన్నా! నీకు తెలుసుగా నాకు అవంటే ఇష్టమని"<br /><br />ఒక్క సారి ఫ్లాష్ బ్యాక్ లోకి వెళ్లి వాడితో గడిపిన సీన్ లన్నీ తిరిగి వచ్చాను. వాడు చెప్పింది ఎక్కడా మ్యాచ్ కాలేదు..<br /><br />"నాకైతే గుర్తుకు రావట్లేదురా నీకేమిష్టమో? నువ్వే చెప్పు"<br /><br />"అవీ..అవీ.." మళ్లీ కన్నుకొట్టాడు.<br /><br />నాకెందెకో నా అనుమానం నిజమేనేమోననిపించింది. కుర్చిలో ఒక రౌండ్ గిర్రున తిరిగి వాడు ముందు నిలబడ్డాను.<br /><br />"ఇపుడు చెప్పరా...డైరెక్ట్ గా చెప్పు..నా సహనాన్ని పరీక్షించొద్దు" అన్నాను ఒకింత సీరియస్ గా<br /><br />"అదే అన్నా మనం హైద్రాబాద్ వెళ్లినపుడు.. నిన్ను బతిమాలి 'దెయ్యాలకోట' సినిమాకు తీస్కువెళ్లాను కదా. గుర్తుకు రాలేదా..ఇపుడు నేను అడిగేది కూడా అలాంటి హర్రర్ సినిమాలే"<br /><br />ఒక్క సారి హుఫ్ అని ఊపుకుని, వాడు అడిగిన సినిమాలు ఇచ్చి పంపించాను.<br /><br />"ఇదిరా! మీ తమ్ముడికీ నాకూ జరిగిన స్టోరి..అంతకు మించి నేను హర్రర్ కథలెప్పుడూ చెప్పలేదు."<br /><br />"సరేలే..ఇంతకీ ఇప్పటి నుంచి బ్లాగు రీడర్స్ ను భయపెడదామనుకుంటున్నావన్నమాట"<br /><br />"నేను భయపెట్టాలనుకోవట్లేదురా..వాళ్లకు సమ్ థ్రిల్ ఇవ్వటానికి నా ప్రయత్నం నేను చేద్దామనుకుంటున్నాను"<br /><br />"ఇంతకీ ఇలాంటి థ్రిల్లర్ స్టోరి బ్లాగ్స్ ఆల్రెడీ ఉన్నాయా? నీదే మొదటి బ్లాగా?"<br /><br />"తెలియదురా! ఒక వేళ ఉన్నా కూడా నా వే ఆఫ్ ప్రజెంటేషన్ నేను మైన్ టైన్ చేస్తాను"<br /><br />"సర్లే ట్రై చేయి..ఒక వేళ హిట్ కాకపోతే ఫీలయ్యి సుసైడ్ లాంటివేమీ చేస్కోకు.."<br /><br />"ఒరేయ్ నాకు లేని ఆలోచనలు తెప్పించకు...అసలు ఇలాంటి బ్లాగు పెడ్తున్నాని నీకు చెప్పాను చూడూ..నన్ననాలి"<br /><br />"రీడర్స్ నీ కథలు చదువుతుంటేనే వాళ్ల కళ్ల ముందు, నీ కథల లోని సీన్స్ సినిమాలా ప్లే అవ్వాలి. అలా రాయటానికి ట్రై చేయ్. వ్రాసేటపుడు ఏమైనా డౌట్స్ ఉంటే నన్నడుగు. సరేనా!"<br /><br />మనసులో నా మీద నాకే జాలేసి నవ్వుకున్నాను.. "ఓకే రా! నాకు మంచి అడ్వైజ్ ఇచ్చినందుకు థాంక్స్.. ఓకే నా ఉంటాను మరి."<br /><br />"వ్రాయ్ మామా! నీకెందుకు. నీ బ్లాగులోని కథలు నేను చదువుతాను. అలాగే నాకు తెలిసిన అందరికీ చదవమని చెప్తాను." ఇదీ నేను వాడి దగ్గరి నుంచి ఆశించిన మాట.<br /><br />చివరకు ఏమైనా డౌట్ ఉంటే నన్నడగమని వాడి అడ్వైజ్.<br /><br />మీకు అసలు విషయం చెప్పమంటారా. అసలు వాడికి వాడిపేరే వ్రాస్కోవడం సరీగా రాదు. 10 వ తరగతి పరీక్షల్లో నేను కనీసం కథలైనా వ్రాసాను. వాడు.. అసలు ఎక్జామే వ్రాయలేదు. పేపర్ మీద పెన్ను పెట్టాలన్న భయంతో..<div class="blogger-post-footer"><img width='1' height='1' src='https://blogger.googleusercontent.com/tracker/5942348028243094003-1246232893678277607?l=thrillerandsuspense.blogspot.com' alt='' /></div>mahigrafixnoreply@blogger.com15